Paul Foot | |
Statsborgarskap | Storbritannia |
Fødd | 8. november 1937 Haifa ![]() |
Død |
18. juli 2004 (66 år) |
Yrke | journalist, aktivist, politikar, historikar |
Organisasjon | The Guardian, Daily Mirror, Private Eye |
Politisk parti | Socialist Workers Party |
Far | Hugh Foot ![]() |
Mor | Florence Sylvia Tod ![]() |
Ektefelle | Monica Beckinsale, Roseann Harty ![]() |
Born | John Foot, Matthew Isaac Foot, Tom Foot, Kate Foot |
Prisar | James Cameron Memorial Trust Award |
Paul Foot på Commons |
Paul Mackintosh Foot (8. november 1937–18. juli 2004) var ein britisk undersøkjande journalist og mangeårig medlem av Socialist Workers Party (SWP). Han var utdanna ved University College i Oxford. Han vart med i International Socialists, som var føregangaren for SWP då han jobba som fersk reporter i Glasgow på 1960-talet. Frå 1972 til 1980 skreiv han for Socialist Worker, partiavisa til SWP, før han gjekk over til Daily Mirror. Han forlet the Daily Mirror i 1993 då avisa nekta å trykke artiklar som var kritiske til avisa si leiing. Han var med å stifte magasinet Private Eye og har skrive for The Guardian.
I 1977 stilte han som kandidat for SWP i Birmingham. Frå 2001 og utover stilte han som kandidat for Socialist Alliance, ei valallianse me mellom anna SWP og Communist party of Great Britain, ved fleire høve. I 2002 kom han på tredjeplass i valet til ordførar i bydelen Hackney i London, og slo dermed kandidaten frå liberaldemokratene. Han stilte som kandidat for RESPECT i valet til EU-parlamentet i 2004.
Paul Foot var son av Hugh Foot, seinare Lord Caradon, som var guvernør på Kypros under kampen om sjølvstende mot Storbritannia på 1950-talet. Frå 1964 til 1970 representerte Hugh Foot Storbritannia i FN. Paul Foot var nevøen til Michael Foot, tidlegare leiar av det britiske arbeidarpartiet Labour.
I 1972 og 1989 fekk Paul Foot prisen som Årets journalist i What The Papers Say Awards, han vann George Orwell sin journalistpris i 1994 og han vart vald som Campaigning Journalist of the Decade i 2000 av British Press Awards.
© MMXXIII Rich X Search. We shall prevail. All rights reserved. Rich X Search